رايق
01-11-2006, 04:28 PM
ذا الموضوع يذكرني بذكريات داعبت دمجتي
كنت انا ساكن بقرية وكانت بنت جيرانا وحدة اسمه فوزية
كان بيني وبينها حب فطري موب حب بلوتوث ولا نت
يعني حب على الفطرة مافيه نصب
وكنت كل ماابي اشوفها اطمر للسطح واويق عليها وتويق علي من السطح
واذا بغيت اهديها شي :present:
ارقى للسطح ومن يوم تويق براسها اصكها بالهدية :confused:
يعني المسكينة جبهتها دايمن صعارير :wink: <<== امحق رومانسية تعرفها
بس هذي صعارير الحب يعني ماتعور ترى
واذا بتجربون لايفوتكم تراه شي <<== ياكثر التصميخ الليلة
كنت احب هالبنت مووووت لدرجة اني كاتبن اسمها على صدري بالفحم
<<== منيب سهل والله
واستغل اي فرصة عشان اشوفها
وكبرت وكبرت فوزية وزاد جمال هالقروية
وانا بعد زاد جمالي عقب ماسويت تقويم لضروسي
لإنها كانت رايحه فيها كانت حوسة كنها سيارات متصادمه بطريق الملك فهد
بتقولون وشلون قروي ومسوي تقويم يعني من وين لك هالدراهم
والسالفة اني سويت تقويم اجباري يعني غصبن علي
وهو اني ذاك اليوم كنت واقف عند باب بيت اهل فوزية اسولف معها عند الباب
الي ويقزني ابوها :zip:
وانا الي احط رجلي ومن زود ماانا طاير ماانتبهت
الا وكمخت بجدار عدل لي ضروسي وصارت خيرة لي هالكمخه :B_huhhh:
عاد انا كلمت امي وابوي ابي اعرس على فوزية
وراحو اهلي وخطبنا البنت واعرسنا عاد فوزية كانت كاشخة ذاك اليوم
كانت حاطه شعرها جدايل وداهنته <<== هذي كشخة القراوى لحد يستغرب
عاد يوم اعرسنا قالت لي ياطخيمان ياشعرة قلبي وين بنروح نقضي شهر العسل
قلت لها بنقضيه في (( بنبان ))
قالت بس تكفى بنروح لها بالطيارة ودي اركب الطيارة <<== ياحبيل هالقروية
اجل بنبان وطيارة
عاد انا صرت قروي اكثر منها قلت ولايهمتس يانظر عيني الحين اطمر لمكتب
الخطوط واحجز مقعدين لي ولتس
رحت لمكتب الخطوط وقلت الله يعافيك ياخوي ابي اسافر لبنبان
قال ابشر <<== الرجال يحسبني بسافر لبنان
ماينلام اجل فيه احد يروح بنبان بالطيارة
عاد قال لي وش اسمك وعطيته اسمي ثم قال وش اسم زوجتك
قلت معد الا هي يالهيس الأربد
منيب معلمك وش اسم زوجتي ترضى احد يدري وش اسم زوجتك <<== قروي
لاتشرهون
لين جا المشرف وشرح لي الموضوع وقال لاتخاف الموضوع سري
محدن داري
لإن خوفي ناسن بحارتنا لو عرفو اسم زوجتي كان ماخلو احد ماقالو له
عاد اقتنعت وعطيته اسم زوجتي بصوت خافت
ورجعت للبيت وانا معي تذكرتين لبنبان
ودخلت على زوجتي واوريها قالت وش ذا
قلت ورقة مقاضي وشو يعني
قلت هذي تذاكر السفر لبنبان خلاص يامعاليق قلبي بنركب الطيارة اخيرن
عاد جا اليوم الموعود ورحنا للمطار وركبنا الطيارة
وحنا في الجو قلت لزوجتي ماكننا ابطينا
اخبر بنبان اروح لها بالسيارة في نص ساعة
قالت يمكنهم يوقفون كل شوي ياخذون ناس <<== قروية متعوده على ابوها
سواق خط البلده
ولما وصلنا لبنان
ونزلنا في بيروت الا وش نشوف
نشوف هاك البنات الي لابسات بناطيل مدري وشلون لبسنها من الضيق
والي لابستن قصير وبلاوي متلتله
قلت لزوجتي وجع اثر اهل بنبان متفتحين مرررة
قالت وين الهيئة عنهم هلي مايستحن
عاد لما بغيت اوقف لي راعي تكسي وقف تكسي وقال اهلين خيو وين بدك
قلت لفوزية اثره متطورة بنبان ذي عندهم سواقين تكاسي لبنانيين
قلت له ابي فندق خمس نجمات بس بدون وفقك الله <<== متعود على
المدرسة
قال تكرم عينك شرف اركاب
عاد كان وقت جيتنا على ليلة راس السنة
ولما وصلنا للفندق جا الي يشيل الشنط وقال هابي كريسمس مدام
قالت فوزية شف هلي مايستحي يقولي وش اسمتس
عاد انا تقامزت شياطني وانا الي امسكه وامردغه لين تحرول
واقول وش بلاكم على ذا الإسم كلن بيعرفه يعني معد بقى لكم شغلة الا تعرفون
اسم زوجتي
جا مدير الفندق وقال شو في شو في شو المشكلة
قلت هالسرسري يقول لزوجتي وش اسمتس
ويوم سئل العامل قال اني قايل هابي كرسمس
قام يضحك راعي الحمص ويقول يخرب عئلك هوا ماكان بيسئل عن اسم
المدام كان يهنيها بالعيد
قلت وجع العيد جا وانا ماشريت شي
قلت متى العيد قال الليلة ليلة العيد
قلت والله الي حاس مريري ابوي ماشريت اضاحي <<== راح تفكيره لعيد
الأضحى
وانا الي احوس مرير فوزية واقول الحين ماعلمتني ان العيد بكرة كان ماجينا
قالت وش يدريني ان الأيام تختلف في بنبان العيد باقي عليه اسبوعين عندنا
قلت اييييه هذا الي يسمونه توقيت قرنتش ماحسبنا حسابه
ولما دخلت اللوبي
اشوفهم مسوين حفلة وجايبين شجرة العيد وفيها لمبات
ذكروني بعرسي يوم علقنا العقود على الآثلة
ويغنون ليلة عيد ليلة عيد الليلة ليلة عيد
دئ اجراس مدري وشو الباقي <<== ناطلن اذنه معهم
وانا الي تنكدت روحتي شايلن هم هالأضاحي الي ماشريتهن
والله وانا الي انكس لديرتنا وارجع عشان الحق على عيد الأضحى مع اهلي
ويوم رجعت صار باقي على العيد اسبوعين
وصار شهر العسل كله ساعات معدودة مسيكينة هالفوزية
والسبب ثقافة القراوى المحدودة
أتمنى أعجبتكم
>>>>>>>>>>>طبعا ملطوشة
هههههههههههههههههههههههههههههههههههه
أخوكم
رايق
كنت انا ساكن بقرية وكانت بنت جيرانا وحدة اسمه فوزية
كان بيني وبينها حب فطري موب حب بلوتوث ولا نت
يعني حب على الفطرة مافيه نصب
وكنت كل ماابي اشوفها اطمر للسطح واويق عليها وتويق علي من السطح
واذا بغيت اهديها شي :present:
ارقى للسطح ومن يوم تويق براسها اصكها بالهدية :confused:
يعني المسكينة جبهتها دايمن صعارير :wink: <<== امحق رومانسية تعرفها
بس هذي صعارير الحب يعني ماتعور ترى
واذا بتجربون لايفوتكم تراه شي <<== ياكثر التصميخ الليلة
كنت احب هالبنت مووووت لدرجة اني كاتبن اسمها على صدري بالفحم
<<== منيب سهل والله
واستغل اي فرصة عشان اشوفها
وكبرت وكبرت فوزية وزاد جمال هالقروية
وانا بعد زاد جمالي عقب ماسويت تقويم لضروسي
لإنها كانت رايحه فيها كانت حوسة كنها سيارات متصادمه بطريق الملك فهد
بتقولون وشلون قروي ومسوي تقويم يعني من وين لك هالدراهم
والسالفة اني سويت تقويم اجباري يعني غصبن علي
وهو اني ذاك اليوم كنت واقف عند باب بيت اهل فوزية اسولف معها عند الباب
الي ويقزني ابوها :zip:
وانا الي احط رجلي ومن زود ماانا طاير ماانتبهت
الا وكمخت بجدار عدل لي ضروسي وصارت خيرة لي هالكمخه :B_huhhh:
عاد انا كلمت امي وابوي ابي اعرس على فوزية
وراحو اهلي وخطبنا البنت واعرسنا عاد فوزية كانت كاشخة ذاك اليوم
كانت حاطه شعرها جدايل وداهنته <<== هذي كشخة القراوى لحد يستغرب
عاد يوم اعرسنا قالت لي ياطخيمان ياشعرة قلبي وين بنروح نقضي شهر العسل
قلت لها بنقضيه في (( بنبان ))
قالت بس تكفى بنروح لها بالطيارة ودي اركب الطيارة <<== ياحبيل هالقروية
اجل بنبان وطيارة
عاد انا صرت قروي اكثر منها قلت ولايهمتس يانظر عيني الحين اطمر لمكتب
الخطوط واحجز مقعدين لي ولتس
رحت لمكتب الخطوط وقلت الله يعافيك ياخوي ابي اسافر لبنبان
قال ابشر <<== الرجال يحسبني بسافر لبنان
ماينلام اجل فيه احد يروح بنبان بالطيارة
عاد قال لي وش اسمك وعطيته اسمي ثم قال وش اسم زوجتك
قلت معد الا هي يالهيس الأربد
منيب معلمك وش اسم زوجتي ترضى احد يدري وش اسم زوجتك <<== قروي
لاتشرهون
لين جا المشرف وشرح لي الموضوع وقال لاتخاف الموضوع سري
محدن داري
لإن خوفي ناسن بحارتنا لو عرفو اسم زوجتي كان ماخلو احد ماقالو له
عاد اقتنعت وعطيته اسم زوجتي بصوت خافت
ورجعت للبيت وانا معي تذكرتين لبنبان
ودخلت على زوجتي واوريها قالت وش ذا
قلت ورقة مقاضي وشو يعني
قلت هذي تذاكر السفر لبنبان خلاص يامعاليق قلبي بنركب الطيارة اخيرن
عاد جا اليوم الموعود ورحنا للمطار وركبنا الطيارة
وحنا في الجو قلت لزوجتي ماكننا ابطينا
اخبر بنبان اروح لها بالسيارة في نص ساعة
قالت يمكنهم يوقفون كل شوي ياخذون ناس <<== قروية متعوده على ابوها
سواق خط البلده
ولما وصلنا لبنان
ونزلنا في بيروت الا وش نشوف
نشوف هاك البنات الي لابسات بناطيل مدري وشلون لبسنها من الضيق
والي لابستن قصير وبلاوي متلتله
قلت لزوجتي وجع اثر اهل بنبان متفتحين مرررة
قالت وين الهيئة عنهم هلي مايستحن
عاد لما بغيت اوقف لي راعي تكسي وقف تكسي وقال اهلين خيو وين بدك
قلت لفوزية اثره متطورة بنبان ذي عندهم سواقين تكاسي لبنانيين
قلت له ابي فندق خمس نجمات بس بدون وفقك الله <<== متعود على
المدرسة
قال تكرم عينك شرف اركاب
عاد كان وقت جيتنا على ليلة راس السنة
ولما وصلنا للفندق جا الي يشيل الشنط وقال هابي كريسمس مدام
قالت فوزية شف هلي مايستحي يقولي وش اسمتس
عاد انا تقامزت شياطني وانا الي امسكه وامردغه لين تحرول
واقول وش بلاكم على ذا الإسم كلن بيعرفه يعني معد بقى لكم شغلة الا تعرفون
اسم زوجتي
جا مدير الفندق وقال شو في شو في شو المشكلة
قلت هالسرسري يقول لزوجتي وش اسمتس
ويوم سئل العامل قال اني قايل هابي كرسمس
قام يضحك راعي الحمص ويقول يخرب عئلك هوا ماكان بيسئل عن اسم
المدام كان يهنيها بالعيد
قلت وجع العيد جا وانا ماشريت شي
قلت متى العيد قال الليلة ليلة العيد
قلت والله الي حاس مريري ابوي ماشريت اضاحي <<== راح تفكيره لعيد
الأضحى
وانا الي احوس مرير فوزية واقول الحين ماعلمتني ان العيد بكرة كان ماجينا
قالت وش يدريني ان الأيام تختلف في بنبان العيد باقي عليه اسبوعين عندنا
قلت اييييه هذا الي يسمونه توقيت قرنتش ماحسبنا حسابه
ولما دخلت اللوبي
اشوفهم مسوين حفلة وجايبين شجرة العيد وفيها لمبات
ذكروني بعرسي يوم علقنا العقود على الآثلة
ويغنون ليلة عيد ليلة عيد الليلة ليلة عيد
دئ اجراس مدري وشو الباقي <<== ناطلن اذنه معهم
وانا الي تنكدت روحتي شايلن هم هالأضاحي الي ماشريتهن
والله وانا الي انكس لديرتنا وارجع عشان الحق على عيد الأضحى مع اهلي
ويوم رجعت صار باقي على العيد اسبوعين
وصار شهر العسل كله ساعات معدودة مسيكينة هالفوزية
والسبب ثقافة القراوى المحدودة
أتمنى أعجبتكم
>>>>>>>>>>>طبعا ملطوشة
هههههههههههههههههههههههههههههههههههه
أخوكم
رايق